Færð þú góða þjónustu hjá þínu sveitarfélagi
Góða (1506)
32.7%
Sæmilega (1547)
33.6%
Slæma (1555)
33.7%
Markmiðið með rekstri skrifstofuhótels er að koma til móts við þarfir íbúa svæðisins sem starfa á höfuðborgarsvæðinu, en vilja vinna 2-3 daga í viku í heimabyggð. Um er að ræða fullkomna skrifstofuaðstöðu fyrir 5 manns, með öflugu háhraðasambandi og hvetjandi vinnuumhverfi.
Fjöldi gesta kynnti sér aðstæður og þjónustu skrifstofuhótelsins á sérstakri opnunarathöfn s.l. fimmtudag og voru þeir ánægðir með þessa nýjung. Orri Hlöðversson bæjarstjóri í Hveragerði og fromaður verkefnisstjórnar Sunnan3 bauð gesti velkomna, Árni Magnússon félagsmálaráðherra flutti ávarp og Sigurður Tómas Björgvinsson verkefnisstjóri Sunnan3 og Páll Bjarnason framvkæmdastjóri Verkfræðistofu Suðurlands kynntu hugmyndina á bak við rekstur skrifstofuhótels.
Markmiðið með uppbyggingu skrifstofuhótela er að koma til móts við þarfir íbúa sem starfa á höfuðborgar- svæðinu, en vilja og hafa tök á því að vinna hluta vinnutíma síns í heimabyggð. Um er að ræða fullkomna skrifstofu-aðstöðu með öflugu háhraðasambandi og hvetjandi vinnuumhverfi. Kostir skrifstofuhótels eru augljósir fyrir starfsfólk sem þarf að sækja vinnu fjarri heima-byggð. Hér er einnig um að ræða mögu-leika á hagræðingu fyrir vinnuveitendur í lækkun skrifstofukostnaðar. Að auki getur skrifstofuhótel haft jákvæð samfélagsleg áhrif þar sem það getur dregið úr umferð í tengslum við atvinnusókn, mengun og slysahættu.
Markmiðið með uppbyggingu skrifstofuhótels er að koma til móts við þarfir íbúa sveitarfélaganna þriggja sem starfa á höfuðborgarsvæðinu, en vilja og hafa tök á að vinna hluta sinnar vinnu í heimabyggð. Leitað er eftir fullbúinni skrifstofuaðstöðu með öflugu háhraðasambandi. Æskilegt er að húsnæðið sé rekið í tengslum við annan rekstur til að tryggja lifandi starfsumhverfi og einnig til að halda niðri rekstrarkostnaði. Ekki er skilyrði að sami aðilinn sjái um rekstur hótelanna þriggja.
Kostir skrifstofuhótels eru augljósir fyrir starfsfólk sem þarf að sækja vinnu fjarri heimabyggð, en einnig er stefnt að hagræðingu fyrir vinnuveitendur, einkum í lækkun skrifstofukostnaðar.
Áætlað er að tilraunin standi í eitt ár og að þeim tíma liðnum verður gerð úttekt á árangri hennar. Sunnan3 veitir fjárstuðning til rekstursins á meðan að á tilrauninni stendur, en markmiðið er að í framtíðinni verði skrifstofuhótelin sjálfbærar rekstrareiningar.
Hér má finna kröfulýsingu vegna skrifstofuhótels.
Nú geta íbúar sent inn umsóknir með gagnvirkum hætti beint af þjónustutorginu. Allur ferill og afgreiðsla umsóknarinnar er sjálfvirkur sem sparar tíma við innslátt, vinnslu og flýtir fyrir ákvarðanatöku. Til að byrja með verður hægt að senda inn umsóknir um grunnskóla, frístundarheimili, skólamáltíðir, og leikskóla
Hér er um að ræða tímamót í rafrænum samskiptum sveitarfélaga og íbúa. Það sem greinir þetta þjónustutorg frá sambærilegum kerfum er að þarfir íbúanna eru settar í forgang og þeir fá þannig fullkomið sjálfsafgreiðslukerfi í hendurnar.Það er álit verkefnisaðila að þau sveitarfélög sem ná að tileikna sér rafræna stjórnsýslu hafi í höndunum lykil að framtíðinni og að íbúar þeirra nái einnig ákveðnu forskoti. Með verkefninu er stefnt að því að bæta þjónustu við almenning, efla nýsköpun í atvinnulífi og auðvelda aðgengi að menntun á svæðinu. Ennfremur að auka enn frekar skilvirkni stjórnsýslunnar með aukinni samvinnu og samrekstri milli sveitarfélaganna með frekari notkun rafrænnar stjórnsýslu. Hagræðing í rekstri stjórnsýslunnar mun skila sér í bættri rekstrarafkomu sveitarfélaganna og þeim fjármunum sem þannig sparast má verja til aukinnar þjónustu við íbúana sem mun styrkja búsetuskilyrði á svæðinu. Stefnt er að því að verkefnið muni skila mælanlegum árangri á verkefnistímanum, sem kemur m.a. fram í hagræðingu í rekstri sveitarfélaganna, aukinni ánægju og þátttöku íbúa, nýjum verkefnum og störfum í atvinnulífinu og betri þekkingu á upplýsingatækni og rafrænum stjórnsýsluháttum.
Verkefnið skiptist í fjögur undirverkefni sem ná til allra íbúa þessara þriggja sveitarfélaga, sem eru um 10.000 talsins. Verkefnin eru byggð á þörfum íbúa, fyrirtækja og skóla á svæðinu. Verkefnin fjögur eru eftirfarandi:
- Rafrænt þjónustutorg
- Skrifstofuhótel
- Skilvirkari stjórnsýsla
- Ungir fræða hina eldri
Verkefnin fela í sér samfélagslega, efnahagslega og tæknilega nýsköpun, en byggja þó á raunsæjum væntingum þar sem áhersla verður lögð á að nýta, til að byrja með, þá þekkingu og tækni sem nú þegar er til á svæðinu og byggja upp í smáum skrefum þá rafrænu grunngerð sem þörf er á.
Verkefnið verður unnið af sveitarfélögunum Árborg, Hveragerði og Ölfusi og undirstofnunum þeirra. Leitað hefur verið eftir samstarfi við upplýsingatæknifyrirtækin TRS á Selfossi og Toppnet í Þorlákshöfn, Fræðslunet Suðurlands, Fjölbrautaskóla Suðurlands, ParX ráðgjöf og ráðgjafarsvið Sambands sveitarfélaga í Danmörku (KL) auk annarra traustra aðila með sérþekkingu á sviði upplýsingatækni og rafrænna stjórnsýsluhátta.
Þekkingaryfirfærsla í þágu byggðarþróunar
Stefnt er að því að afrakstur verkefnisins verði m.a.
þekkingarbrunnur og aðferðafræði sem er yfirfæranleg á önnur
byggðarlög á Íslandi. Ein grundvallarhugmyndin að baki verkefninu
er að sveitarfélög geti nýtt upplýsingatækni til aukinnar samvinnu.
Með nýtingu upplýsingatækni geta sveitarfélög náð fram kostum
sameiningar, þ.e. veitt betri og ódýrari þjónustu, án ókostanna,
þ.e. að hreyfa við héraðatengdum tilfinningum íbúanna, sem oft
skapa vandamál við sameiningu sveitarfélaga. Þessa
grundvallarhugmynd má auðveldlega heimfæra á önnur sveitarfélög á
Íslandi, með verulegum ávinningi fyrir sveitarstjórnarstigið. Auk
þess hafa undiverkefnin öll þá eiginleika að vera auðveldlega
yfirfæranleg yfir á önnur sveitarfélög. T.d. má yfirfæra hugmyndina
um svokallað skrifstofuhótel á öll svæði sem eru í nágrenni við
stærri þekkingarkjarna, s.s. Suðurnes og Borgarfjarðarsvæðið, sem
eru í nágrenni Reykjavíkur og Eyjafjarðarsvæðið í nágrenni
Akureyrar. Verkefnið er áfangi á langri leið, þar sem lögð verður
áhersla á að það haldi áfram í framtíðinni, breiðist út til annarra
svæða og stuðli að bættum búsetuskilyrðum á landinu öllu.
Verkefnið er þjóðfélagslega hagkvæmt
Verkefnið mun standa yfir í þrjú ár, en í rekstrar- og
fjárhagsáætlunum er gengið út frá því að einstök undirverkefni muni
halda áfram eftir að verkefnistímanum lýkur og verða þannig
efnahagslega sjálfbær. Gert er ráð fyrir að rekstrartekjur og
rekstrargjöld verði í jafnvægi og verkefniskostnaður nemi 130
milljónum króna á þremur árum. Þar af er gert ráð fyrir að framlög
sveitarfélaganna og samstarfsaðila þeirra séu 55% af
heildarkostnaði, en framlag ríkisins 45%.
Verkefnisstjórn og tengiliðir verkefnisins
Orri Hlöðversson, bæjarstjóri Hveragerði, orri@hveragerdi.is
Guðlaug Sigurðardóttir, framkvæmdastj. fjármála og stjórnsýslusviðs
Árborg, gudlaug@arborg.is
Stefán Guðmundsson, bæjarfulltrúi Ölfusi, sg@toppnet.is
Sigurður Tómas Björgvinsson, verkefnisstjóri, siggi@sunnan3.is,
simi; 6931533